Liturgie veur de Grunneger dainst 8 september 2024
Grunneger dainst
op Ter Oapel op zundagoavend, 8 september 2024
om zeuven uur ’s oavonds in “De Regenboog”.
Veurganger: ds. T.J. Oldenhuis, Coevorden
Olderling: mw. W. Gerrits-Meijer
Örgenist: dhr. M. Wubs, Stadskanaal
Örgelspel
Welkom
Begunlaid: Psaalm 100: 1 en 2
Kom, haile wereld, pries de Heer,
dain Hom mit bliedschop, geef Hom eer,
kom noar Hom tou mit bliede klaank,
verheerlek Hom joen levent laank.
Erken de Here as joen God,
Hai het ons moakt en laaidt ons lot.
Hai is t ja dij ons leven dut,
as schoapen, dij Hai waaide budt.
Stil gebed
Votum en groet
Zingen: Psaalm 100: 3 en 4
Zing tot Gods eer het hoogste laid,
wèl deur zien poort noar binnen gaait.
Pries doar zien noam en zing zien lof,
aal dij verschienen ien zien hof.
Mit goudhaid is de Heer bekled,
zien laifde het gain èn of swet,
zien traauw geldt de geslachten deur,
wat God belooft, doar staait Hai veur!
Gebed
Biebel lezen: Lucas 17: 11-19
11 Dou e onderwegens was noar Jeruzalem, raaisde hai deur grènsstreken van Samaria en Galilea. 12 Dou e doar n dörp inging, kwammen tien meloatsen hom in muit. Dij bleven op n ofstandje stoan 13 en begunden te roupen: “Jezus! Meester! Ontfaarm joe over ons!” 14 Dou hai heur zag, zee e tegen heur: “Goa hèn en loat joe aan priesters zain!” Dou ze votgingen, werden ze geef. 15 Ain van heur kwam weerom dou e gewoar wer dat e beter worden was en prees God haardop. 16 Ain en aal dankboarhaid luit e zok veur hom deelvalen. En dat was nou net n Samaritoan. 17 Jezus zee: “Binnen ze nait ale tien geef worden? Woar holden aander negen tou? 18 Binnen der aans gainent te vinden dij weeromkommen om God eer te geven as allenneg dizze vremde?” 19 Hai zee tegen hom: “Kom mor in t èn. Joen geleuf het joe red.”
Zingen: Psaalm 63:1 en 2
O God, mien God, ik zuik joen haand;
ik zuik noar Joe, noar Joe allenneg,
k vuil mie zo wènsteg en ellèndeg,
as t dreuge gras ien dörsteg laand.
Ik heb Joe zain mit aigen ogen
ien t haailegdom, joen heerlekhaid.
k Wil zingen van joen goudeghaid,
mit haart en mond joen noam verhogen.
Joe wil ik priezen dag en nacht,
Joe wil ik zuiken ien gebeden,
om ales wat Ie veur mie deden,
joen overvloud geft nije kracht.
Joe blief ik priezen ien gedachten
as ik sums haile nachten woak.
Joen hulp aan mie was aaltied roak,
bie Joe kin k vaaileg overnachten.
Preek over Lukas 17:17
Zingen: Gezang 231: 1,3 en 4 Wie goan voor Joe op ….
Wie goan veur Joe op knijen, Heer,
om lof en eer te brengen,
mit aal joen volk breng wie Joe eer,
ien beden en ien zingen.
Loat elk en ain van klaain tot groot,
loat swak en staark Joe priezen
en Joe, dij macht het over dood,
vol eerbied daank bewiezen!
Joe, dij as Heer op Poaskedag
verrees veur ale volken,
verwachten wie op jongste dag
ien heerlekhaid op wolken.
Hai komt en elk krigt Hom te zain,
ook dij Hom dood aandeden.
Zien komst brengt bliedschop veur de ain,
veur d’ aander bitterheden.
Hou rad of troag of tied vergaait,
dij dag zel ainmoal doagen.
Wie zain dat licht al ien t verschait,
dag van Gods welbehoagen.
Zing, halleluja, zing joen laid,
God wil zien gunst ons geven!
Zing dag en deur ien aiweghaid,
zien laifde dut ons leven!
Geloofsbeliedenis
Zingen: Gezang 291 Nooit kin ’t geloof te veul verwachten
Nooit kin t geloof te veul verwachten,
wat Jezus zegt is woar en wis.
t Mekaaiert vrunden voak aan krachten,
mor nooit dij vrund, dij Haailand is.
Wat zol zien grode macht bepaarken?
Hai het ja ales ien zien haand!
En wil zien laifde wat bewaarken,
den komt dat eerlieks woar tot stand.
Dij hoop, dij geft ons nije krachten
en nije moud om deur te goan!
Zai, dij van Jezus t haail verwachten,
dij blieven naargens meer veur stoan.
Dat haail is mit gain moat te meten,
Hai geft ons bliedschop oet zien haand!
Doar is ons wènst en pien vergeten,
den bin wie thoes ien t Voaderlaand!
Dankgebed
Buul bie de oetgang
Slotzang: Psaalm 147: 1, 3 en 7
Pries God, de Heer, veur ale dingen,
t is goud deur t laid Hom eer te brengen.
t Paast elk en ain om Hom te daanken,
mit jubelzang en bliede klaanken.
Hai gaait Jeruzalem weer baauwen,
verzoameln dij op Hom vertraauwen,
t verbroken haart zel Hai genezen,
t gewonde volk tou helper wezen.
Loat ons de Heer een lofzang zingen
en mit meziek Hom eer toubrengen.
Hai is t dij lucht bedekt mit wolken,
zien zörg bliekt onder ale volken.
Hai is t dij zörgt veur zun en regen,
dat t gras weer oetlopt alerwegen.
Hai wil aan t vij zien vouer geven,
holdt jonge roaven ook ien leven.
De Heer het Jakob oetverkoren,
om zuk aan hom te openboaren.
Hai gaf aan Israël zien wetten,
om vouten ien zien spoor te zetten.
Gain aander volken mog dit beuren,
dij kregen bosschop nait te heuren.
Pries God veur aal zien gunstbewiezen,
joa, halleluja, wil Hom priezen!
Zegen
Örgelspel
Collectes in de hal